Bydd y Cofnod Meithrin Sgiliau Personol yn cefnogi datblygu sgil Effeithiolrwydd Personol y dysgwr drwy gydol y cwrs. Mae'r dysgwyr yn cael cyfle i asesu eu cryfderau ac adnabod meysydd sydd angen eu gwella ar gyfer pob Project. Mae'r adnodd yn seiliedig ar y tri cham o fyfyrio, casglu adborth, a gwerthuso eu hymddygiadau, eu perfformiad, a'u canlyniadau. Bydd hyn yn cefnogi'r dysgwr i ddod yn hunanymwybodol, gan ddeall sut mae pobl eraill yn eu gweld ac i ddatblygu dealltwriaeth o'r gridiau asesu.
Rhaid i ddysgwyr lawrlwytho'r adnodd hwn a chwblhau'r adrannau ar gyfer pob un o'r sgiliau Cyfannol ac ystyried y tri Sgil Mewnblanedig pan fyddant wedi'u defnyddio. Mae hon yn ddogfen bwysig fydd dysgwyr yn ei defnyddio pan fyddant yn cwblhau hunanwerthuso ar ddiwedd y cwrs fel rhan o asesiad y Project Unigol.